O maior evento do fútbol gaélico galego

A Copa Galega de Fútbol Gaélico 2026 vén de novo á comarca do Barbanza. Organizado polo C.D. Galicia Bealo Lorchos e Lorchas xunto co Concello de Ribeira, este torneo é o punto de encontro anual de todos os equipos gaélicos galegos.

As instalacións do Complexo Deportivo da Fieiteira acollerán as competicións masculina e feminina ao longo de toda a xornada. Un día enteiro de deporte, amizade e paixón polo gaélico… e coa entrada completamente gratuíta para todo o mundo.

Tanto se es xogadora ou xogador como se só queres desfrutar do espectáculo, achégate á Fieiteira e vive en directo a emoción deste deporte único.